WILLEMSTAD.- Djadumingu último a sera Inskripshon di Tumba Hubenil 2019 ku un kantidat di 25 inskripshon.
Esaki por konsider’é un éksito. Hopi mayor/miembronan di gruponan a hasi oido na e yamada pa laga e muchanan bin den un forma kreativo. Esaki a sosodé tambe ku mayoria partisipante.
Na nan manera nan a sabi di presentá ku hopi kurashi pa inskribí nan partisipashon, guia pa nos flamante Rei di Tumba saliente, Gian van Eiker.
Danki na tur ku a asistí i un danki na e konfiansa duna na Fundashon Alelimo i Fundashon JAG, pa realisashon di e atardi aki.
Awor esnan ku a inskribí lo bai pasa un periodo di preparashon pa asina bin un selekshon ofisial (novèmber) pa selekshon di e 15 partisipantenan ku lo kompetí den e festival dia 19 di yanüari próksimo.
