Fundashon JAG lo hasi entrega di Premio di Karnaval 2019

WILLEMSTAD.- Despues di un tremendo temporada di Karnaval 2019, Fundashon JAG lo klousurá esaki ku entrega di Premio na nos Embahadornan di e diferente elekshonnan. Nos Rei di Tumba Hubenil 2019 i su finalistanan i na e gruponan ku a keda premiá di e diferente marchanan.
E marchanan ta, Marcha di Kabai, Marcha Hubenil, Marcha di Tiner i Gran Marcha 2019. Esaki lo tuma lugá na Kleine Werf mañan, djasabra 16 mart 2019.
Loke ta Hubenil (Elekshon, Tumba Hubenil  i Marcha) i Marcha Kabai lo ta djasabra 16 mart 2019, na Kleine Werf di 4 or pa 6 or di atardi. Entrada pa esnan ku kier ta presente ta kosta 10 florin pa persona.
Pa e kategorianan Tiner (Elekshonnan, Marcha) i Adulto (Elekshonnan, Marcha) tambe ta djasabra 16 mart 2019, na Kleine Werf for di 7 or pa 1 or mardugá. Pa e evento aki entrada ta 20 florin pa persona. Na final di entrega di premio anochi lo tin aktuashon di un banda musikal sorpresa.
Karchinan ta optenibel na Sede JAG, Schottegatweg West nst. 123 (enfrente Celia Building na Palu Blanku) awe djabièrnè 15 di mart entre 1 or di mèrdia pa 6 or di atardi.

SHARE

LEAVE A REPLY