HELSINKI, AP.- Fundashon Lego a bisa ku lo hasi un donashon di 100 mion dòler na e organisashon edukativo Sesame Workshop, di Merka, pa finansiá proyektonan kual su ophetivo ta a yuda muchanan afektá pa e krísis di refugiadonan rohingya na Bangladesh i e guera sivil na Siria.

E fundashon danes a bisa ku e donashon “lo benefisiá un grupo di mucha vulnerabel i lo pone atenshon riba e importansia fundamental pa siña atraves di weganan riba un trayekto di desaroyo i kresementu saludabel”.

Fundashon Lego, funda na aña 1986, ta propietario di 25% di akshonnan di Grupo Lego, e produktor di ko’i hunga danes.

E korant danes Boersen a indiká ku e donashon ta esun mas grandi pa promové e kousa.

E organisashon no lukrativo, Sesame Workshop, produktornan di “Sesame Street”, lo haña sosten a lo largo di sinku aña.

LAGA UN KOMENTARIO

Please enter your comment!
Please enter your name here