NASHON UNI, AP.- Nashon Uní lo no proveé asistensia elektoral pa elekshon presidensial den Venezuela, kaminda oposishon i mayoria gobièrnu estranhero ta bisando di ta manipulá. Asina un funshonario di e organisashon a informá djabièrnè.
Representantenan di presidente Nicolás Maduro i e kandidato independiente Henri Falcon a biaha e luna aki pa sede di Nashon Uní na New York pa purba konvensé e organisashon pa manda ekspertonan pa ta presente den e elekshon di 20 di mei.
E koalishon opositor prinsipal ta bòikòt e votashon pasó nan ta kere ku esaki lo wòrdu manipulá, i a pidi Nashon Uní pa rechasá e pedido di asistensia. E funshonario di Nashon Uní a konfirmá e desishon di no manda un mishon elektoral pa Venezuela, sin revelá e motibu.
