WASHINGTON, AP.- Funshonarionan di inteligensia di Merka  a atvertí na legisladornan ku Rusia ta interferiendo den e elekshon di 2020 pa purba yuda presidente Donald Trump gana elekshon, segun indikashon di tres funshonario na altura di e seshon informativo i priva.

E atvertensia ta pone duda riba integridat di e kampaña presidensial i si e gobièrnu di Trump ta tumando e medidanan adekuá pa kombatí e tipo di interferensia ku Merka a eksperensia na aña 2016.

E funshonarionan a pidi pa keda anónimo mirando ku ta trata di informashon delikado. Nan a bisa djaweps ku e seshon informativo di siman pasa a enfoká riba esfuersonan di Rusia pa influensia e elekshon di novèmber próksimo i trese desakuerdo den e elektorado merikano.

E atvertensia a wòrdu hasi pa funshonarionan di inteligensia di The New York Times i The Washington Post. Un funshonario di e gobièrnu federal a bisa ku Trump tabata sumamente malkontentu ku e notisia, indikando ku e demókratanan lo usa  e informashon den su kontra.

Den transkurso di su presidensia, Trump a pone importansia riba e evaluashonnan di e komunidat di inteligensia merikano tokante e interferensia elektoral di Rusia na aña 2016, konsiderando esakinan komo un intento di konspirashon pa kibra su viktoria. E funshonario a papia ku kondishon pa keda anónimo pa deskribí e reunion priva.

LAGA UN KOMENTARIO

Please enter your comment!
Please enter your name here