ATLANTA, AP.- Funshonarionan elektoral den Merka kompletu ta rechansando afirmashonnan di e kandidato republikano Donald Trump ku elekshon presidensial por a wòrdu manipulá. El a argumentá ku tin demasiado salbaguardiá na nivel nashonal i estatal pa esei pasa.
E akusashonnan di e kontienda ” manipulá” ta “parti” di ekspreshon liber, segun e sekretario di gobièrnu di Iowa, Paul Pate, den un entrevista. “Pero mi ta rekomendá e votadónan pa no alarma pa e komentarionan aki”.
Ta evidente, ku algun partidario di Trump a tuma e komentarionan hopi na serio. Den un akto di kampaña den Ohio luna pasa, e republikano a bisa ku e ta teme ku e elekshon ta wòrdu manipulá”, sin duna detaye.
Den simannan resien, e votadónan a vinkulá e komentarionan di Trump den atakenan kontra dos base di dato di registro di votadó i preokupante di seguridat di nashonnan elektróniko di votashon.
Tin un divishon klaro entre demókratanan i republikanonan riba e frekuensia di froude di votadónan. Huesnan federal den demanda den e estado a bisa ku outoridatnan no a duna evidensia sufisiente di e supuesto froude ku leinan mas estrikto lo prevení. Den añanan di estudio, investigadónan a haña masha tiki kaso di froude.
