Elimina ‘grondbedrijf’

WILLEMSTAD.-Punto di salida di e Gobièrnu entrante, esta gabinete Pisas ta ku nan ke ayudo finansiero di Ulanda. Esei ta loke sr. Javier Silvania a duna di konosé den un konferensia di prensa un ratu pasá.

Esaki ta e motibu pa kiko e grupo aki ke sigui dialogá ku Ulanda pa yega na akuerdonan balansá.

E Gobièrnu nobo ku ta pendiente pa drenta gobernashon di Kòrsou ta di akuerdo pa gran parti di e reformanan den e ‘landspakket’ pasobra nan ta di opinion ku ta profeshonalnan lokal a traha riba e reformanan aki den pasado. Asta ta asina ku e reformanan tabata konosí promé ku Covid, pero riba algun punto Pisas ta kere ku mester bin kambio. Na promé lugá nunka no a hasi análisis riba e efektonan pa loke ta trata desempleo, forsa di kompra i tambe nos grandinan. Nan ke proponé kambionan, den sentido di invershonnan nesesario pa hasi ekonomia di e pais aki mas resiliente. Un punto importante ta ku e grupo nobo ke elimina ‘grondbedrijf’ pa pueblo no pèrdè su propiedatnan. Mas detaye den edishon di EXTRA.

LAGA UN KOMENTARIO

Please enter your comment!
Please enter your name here