WILLEMSTAD.- Regulatory Authority Curaçao (RAC) ta informá ku komunidat di Kòrsou por spera kambio den preisnan di kombustibel entrante djamars 29 di sèptèmber próksimo. RAC den su informashon ta indiká ku e tarifa di tantu gasolin Mogas komo gasoil ta subi kompará ku e luna anterior. E motibu prinsipal ta e preisnan di kompra internashonal ku ta mas haltu.
Aktualmente e preis pa gasolin na pòmp ta Cg 2.597 pa liter i esaki ta subi na Cg 2.725 pa liter. Un subida di kas 13 sèn. Pa loke ta trata gasoil, esaki ta kosta aktualmente Cg 2.373 pa liter i e ta bira Cg 2.819 pa liter entrante djamars otro siman. Un oumentu di kasi 45 sèn. Gas pa kushina di kas ta supsidiá i esei ta keda mesun kos esta 80 florin pa e bòter di 100lb i 20 florin pa esun di 20 lb.
