WILLEMSTAD.- Den e último dianan tras di lomba ta reinando un situashon sumamente fèrfelu i asta por denominá esaki komo unu kruel, entre peruanonan i refugiadonan venezolano.
Aktualmente na Peru tin un kantidat di grandi refugiado venezolano enbuska di un mihó bida di loke nan tabatin na nan pais.
Ta regularmente tabatin tiramentu di palabra pa otro riba retnan sosial, pleitu i bringamentu i den último tempu mas i mas tin kasonan di asesinato.
Siman pasa un video a kuminsá sirkula na unda aparentemente algun hòmber venezolano a mata un hòmber peruano dor di bent’é fo’i brùg, loke a pone e peruanonan bira furioso.
Atvertensia: “Ta kontené lenguahe eksplísito i imágennan violento ku por ta ofensivo pa sierto persona”
Riba un otro video tambe por mira na unda e peruanonan ta sende un hòmber venezolano na kandela. No ta muchu kla kua ta e sekuensianan di e susesonan aki. Pero en todo kaso entre tantu vários organisashon kriminal peruano a publiká video na unda ta duna di konosé ku pa kada peruano ku wòrdu asesiná nan lo mata 10 venezolano a kambio.
Nos mas ku ayera un grupo basta grandi di peruanonan a bai protesta tirando piedra riba e edifisio di embahada di Venezuela na Peru. Organisashon venezolano ta insistí ku ta reina ‘xenophobia’ (miedu of rabia kontra di ekstranhero) kontra di venezolanonan.
