George Jamaloodin den detenshon preliminar na Kòrsou

WILLEMSTAD – Eks-minister di Finansa George Jamaloodin ta na Kòrsou. Ministerio Públiko a konfirmá ku outoridatnan Venezolano a entrega Jamaloodin durante dia di awe. Miembronan di “Arrestatie Team” di Kòrsou a hiba Jamaloodin for di Caracas na Hato. Jamaloodin awor ta den detenshon preliminar.

Jamaloodin ta sospechoso den tres kaso, di kua esun mas prinsipal ta ku e ta un di e finansiadónan den e kaso di likidashon di e dirigente polítiko Helmin Wiels. E intermediario den e kaso aki Nini Fonseca ku ta esun ku, segun Korte,  a tuma e plaka serka Jamaloodin pa paga esnan ku a ehekutá e krímen, a haña un kastigu di 25 aña di prizòn den apelashon resientemente. A mata Wiels dia 5 di mart 2013. E investigashon den e kaso aki ya kaba a pasa 5 aña.

SHARE

LEAVE A REPLY