WILLEMSTAD.- Pa tur e fanátikonan ku tabata pendiente pa Gian. Su produkshon nobo, ya ta riba merkado. Meskos ku su komposishonnan anterior, kaminda el a hinka ritmo i ambiente úniko, Gian ta presentá otro kansion ku hopi vibe pero alabes sensual.

Nos konosé Gian den diferente género entre otro Urban, Urban Afro, Tumba i otro ritmo nan kultural i awor Gian ta demostrá ku kizomba tambe e por dominá.

No tin mihó kombinashon di Gian ku su  estilo úniko e biaha aki huntu ku nos gran artista Randy Leroy ku no mester di introdukshon. Den fiesta, na kas, den kualke ambiente ta “2 TEGEL” so bo mester pa basilá riba e piesa aki.

E Kansion nobo aki, un komposishon di Gian van Eiker, di mix  pa Slick i adaptá pa Teababirinaj (Janiel Vrutaal).  Ademas di e singel aki tambe Gian tin un videoclip di e kansion ku a wòrdu grabá na Teatro Kadaken (Habaai). E videoclip a wòrdu dirigí pa John Lont Jr. i asistí pa Keanu Passial. Tambe nos por mira presentashon di e bailarin nan Mirogelle Martha i Shuraimy Bito. Gian ta spera ku pueblo di Kòrsou disfrutá di e kansion i videoclip nobo “2 TEGEL”.

Por follow i like e pagenan di GIAN, riba Instagram @giann

Riba facebook: Gian , Riba youtube: gian official, Spotify, Applemusic, Itunes, Deezer.

Ban apoyá nos artistanan hóben lokal.

 

LAGA UN KOMENTARIO

Please enter your comment!
Please enter your name here