WILLEMSTAD.- Gibi Bacilio a deleitá su públiko ayera ku poesianan ku el a presentá i saká for di su buki Fièrnu Selestial. E presentashon tabata na sentro Multifunshonal Brievengat. Gibi a keda kompañá pa grupo Palabra Musikal formá pa Ruchi Isidora riba perkushon, Oswin Pikero riba flùit i saksofon i Benito Dolorita riba viol. Tur a trese un harmonia den e poesianan ku Gibi Bacilio a skibi ku asina tantu kalor. Realmente un anochi agradabel ayera na Sentro Multifunshonal Brievengat.
