MERKA.- E intérprete di éksitonan manera “Perdóname”, “Amor mío no te vayas” i “Vivir sin ella” djabièrnè último a selebrá su 40 aña den farándula ku transmishon di un spesial na HBO Latino.
‘Gilberto Santa Rosa, 40… y contando’, un konsierto graba dilanti un públiko den Coliseo Jose Miguel Agrelot na San Juan, Puerto Rico a keda estrená.
Santa Rosa a bisa ku e tin un satisfakshon enorme, hopi alegria i dikon no? ‘Hopi orguyo, pasó na prinsipio un hende no ta ni imaginá su mes, bo tin tur e deseo di mundu, pero bo no ta imaginá ku bo por bai sobrebibí den e industria i ma yega 40 aña kantando den un karera musikal kompetitivo i intenso’. Ki dia ta bolbe ripití e spesial aki pa su fanátikonan na Kòrsou por wak e no ta konosí ainda.
