DOVE, DELAWARE, MERKA, AP.- E prekandidato presidensial republikano Newt Gingrich a bisa djaweps ku difísilmente e lo aseptá puesto den gabinete di Mitt Romney si esaki gana elekshonnan di novèmber.
Gingr i ch a bisa e radiodifushon WILM-AM ku e no ta oponé kontra Romney, e probabel ganador di kandidatura presidensial republikano, ku e lo apoy’é si e elekshon tabata entre Romney i Obama.
Pero e eks lider di Kámara di Representantenan a bisa ku e ta preferá pa ta un asesor den un posibel gobièrnu di Romney, manera tabata e kaso durante presidensia di Republikano George W. Bush.
Gingrich a agregá ku loke e ke ta disfrutá di su bida i famia.
E aspirante republikano a duna un entrevista durante akto di kampaña den un restorant na Dover, Delaware.
