Glacial ta selebrá 50 aña di Karnaval huntu ku komunidat

WILLEMSTAD.- Febrüari ta un luna sumamente importante pa Kòrsou, pues e ta marka e 50 aniversario di Karnaval. Den kuadro di e selebrashon aki, Glacial a tuma inisiativa pa subi kaya djadumingu último, i refreská grandi i chikí miéntras nan tabata warda pa e salida di Marcha Hubenil.
Ademas di refreská i dibertí huntu ku komunidat, Glacial a regalá un kantidat grandi di mucha riba e ruta un bòter chikitu di Alcolado Glacial. Durante Gran Marcha Glacial lo t’ei atrobe pa refreská i e aña aki tin hasta un ‘Glacial Refresh Station’ na altura di Bar Buchifiel na Roodeweg.
“Ya for di e promé añanan di Karnaval, Glacial tabata apoyá pa medio di ‘sponsorship’, partisipá ku diferente grupo, hasi donashon na ekipo di Krus Kora, i otro aktividatnan. E aña aki nos a disidí di t’ei presente riba e ruta tambe, pa selebrá nos Karnaval i refreská durante e momentonan di mas kaluroso di dia. Nos ta deseá pa komunidat kompletu por disfrutá di Karnaval na un manera responsabel. Bebe sufisiente awa, protehá bo mes kontra di solo i mas ku klaro, refreská ku Alcolado Glacial.”, asina Daniel Bernal, Brand Manager di Glacial a komentá.
Pa keda na altura di tur potrèt i aktividat di Glacial den komunidat, por bishitá retnan sosial di Glacial riba: – Facebook: @Alcolado Glacial – Instagram: @glacialofficial

SHARE

LEAVE A REPLY