GLASGOW, REINO UNI, AFP.- Polis eskoses a bisa djabièrnè ku a mata e sospechoso ku a hinka vários persona den un hotèl na Glasgow ku ta akohé solisitantenan di asilo. Seis persona a resultá heridá inkluyendo un agente polisial.
Polis di Eskosia a bisa ku e insidente na Park Inn Hotèl den sentro di siudat no ta wòrdu investigá komo unu terorista i a urgi e eskosesnan pa evitá di spekulá riba motibu di e atake.
Polis a bisa ku e ofisial di 42 aña ta den kondishon kritiko pero stabil. Sinku víktima mas a wòrdu hospitalisá.
E minister di interior Priti Patel a duna òrdu pa usa hotèlnan bashí den e pais pa akohé solisitantenan di asilo i refugiadonan durante e pandemia di Coronavirus.
