MIAMI, FLORIDA, AFP.- E gobernador di Florida, Ron DeSantis a pone fin na tur medida i restrikshon di COVID djaluna den e estado, un desishon kritiká pa alkaldenan demókrata.
Desantis a firma un lei ku ta eliminá tur restrikshon desde 1e di yüli argumentando ku e efikasia di e bakunanan ta permití pa hasi esaki. Kasi nuebe mion persona a haña por lo ménos un inyekshon di e bakuna na Florida, segun indikashon di e Departamento di Salú.
E vakuna ta aksesibel pa tur esnan riba 16 aña sin ku nan mester mustra prueba di residensia den e estado. E dokumento aki tabata nesesario na komienso di e kampaña di vakunashon pa enfrentá e demanda ku tabatin inisialmente.
