SPRINGFIELD, ILLINOIS, MERKA, AP.- E gobernador nobo di Illinois a kumpli ku un di su promesanan prinsipal di kampaña, promoviendo un proposishon ku ta kombertí su Illinois den e di dies estado den e pais ku ta legalisá mariwana pa uso rekreativo.
E legalisashon ta nifiká ku kasi 800.000 persona ku a wòrdu detené ku 30 gram òf ménos di mariwana den nan poseshon lo wòrdu eksonerá, un klóusula ku legisladornan i organisashonnan a eksihí. 25% di e impuesto rekoudá pa benta di mariwana lo wòrdu invertí den renobashon di komunidatnan pober.
Gobernador J.B. Pritzker a proklamá e lei djamars na Chicago.
Segun e inisiativa, residentenan por kumpra i poseé un máksimo di 30 gram di mariwana. Esnan ku no ta biba den e estado ta wòrdu permití pa kumpra un máksimo di 15 gram. E lei ta establesé ku personanan di 21 aña òf mas por kuminsá bende mariwana for di 1 di yanüari 2020. Esaki ta nifiká ku ainda e poseshon di mariwana ta un krímen, segun e bosero di senadonan demókrata.
E kantidat di impuesto pa mariwana por generá entre 800 i 1.000 mion dòler pa aña.
