NEW YORK (AFP).- Ayera Fiskal federal di New York a akusá e gobernador dje estado mehikano di Sinaloa di ta un narkotrafikante. Ta trata di Ruben Rocha Moya, miembro di e partido di gobièrnu, Moreno, kende for di 2021 ta goberná e estado.
Ku Rocha Moya na kabes di gobièrnu di Sinaloa, e estado a keda sakudí pa disputanan entre dos grupo di e ‘cartel’ di mesun nòmber. Segun un komunikado, ministerio públiko a bisa ku Rocha Moya i otro “èks funshonarionan haltu di gobièrnu i di forsanan di órden” a asosiá nan mes ku Cartél de Sinaloa” pa distribuí kantidatnan grandi di droga den Merka”.
Ayera Ruben Rocha a rechasá e akusashon kontra di su persona i a denunsiá un “strategia perverso” kontra soberania di Méhiko.
“Mi ta rechasá di forma kategóriko i apsoluto e akusashonnan formulá kontra di mi persona di parti di Fiskal Federal di New York, ya ku nan ta karesé di fundamentu”, segun el a skibi riba ret sosial X.
