BOGOTA (AFP).- Gobièrnu di kolombia ayera a konfrontá ku renunsia di por lo ménos dos funshonario haltu despues di un reunion insólito i skandaloso entre e presidente Gustavo Petro i su gabinete, transmití di forma bibu.
Djamars anochi, pa promé biaha, e kanalnan ofisial dje presidensia a transmití un reunion di sinku ora durante kua e mandatario a reklamá tur su ministernan pa falta di avanse den ehekushon di proyektonan.
Na otro un banda dje mesa, algun dje funshonarionan a reklamá Petro pa e presensia den e reunion di Armando Benedetti, un di su hòmbernan mas serkano ku ta bou di investigashon pa supuesto iregularidatnan finansiero durante dje kampaña presidensial i tambe agreshon físiko kontra di hende muhé.
E pueblo kolombiano, via di retnan sosial i kanalnan di televishon, a opservá vários momento di tenshon. Ayera mainta e dos promé renunsianan a bira konosí.
