LA PAZ, AP.- E presidente interino di Bolivia Jeanine Añez, a anunsiá djaweps ku eks presidente Evo Morales no por partisipá den elekshon ku su gobièrnu lo realisá.

Añez a bisa ku “e konvulshon sosial” ku Bolivia ta pasando aden ta konsekuensia di e insistensia di Morales pa postulá pa un di kuater mandato i a konsehá Movementu Sosialismo (MAS), e partido di e eks mandatario, pa buska un otro kandidato.

“MAS tin tur derechi pa partisipá den elekshon. Evo i eks visepresidente Alvaro Garcia Linera no por partisipá, nan no ta apto pa esaki”, asina Añez a bisa.

Morales a partisipá den elekshon di 20 di òktober, kalifiká komo froudulento pa oposishon. Añez ta akusá Morales di motivá e pueblo pa protesta desde ku el a sali i a antisipá ku e lo presentá un keho na atministrashon di Andres Manuel Lopez Obrador.

Morales su salida no a baha protesta kual tabata kontra e supuesto froude elektoral i kual ta protagonisá pa partidarionan di Morales ku no ta rekonosé Añez.

 

LAGA UN KOMENTARIO

Please enter your comment!
Please enter your name here