PARIS, FRANSIA, AFP.- Diputadonan franses a kasi tumba e gobièrnu di promé minister Elisabeth Borne i su reforma impopular, kual su adopshon via dekreto a motivá e protestanan pa sigui tuma lugá.
E presidente liberal Emmanuel Macron a logra validá su proyekto definitivamente pa reforsá akseso na un penshun kompleto.
“Tabata falta solamente nuebe voto pa tumba e gobièrnu i su reforma, un gobièrnu ku ya a morto pa e fransesnan i ku ya no tin niun legitimidat”, asina e diputado iskierdista radikal Mathilde Panot a bisa.
E kaida di moshonnan a kaba ku e saga parlamentario di e reforma, ku ta subi edat di penshun di 62 na 64 aña di edat pa 2030.
Sinembargo e oposishon polítiko lo no para. Esaki ya a anunsiá ku lo purba par aplikashon di e proyekto i impulsá un referèndem ku yudansa di Konseho Konstitushonal.
