Cft ta konstatá
WILLEMSTAD.- Gobièrnu di Kòrsou tin e intenshon pa sigui hasi fiansa den añanan benidero. Konforme e konsepto di presupuesto 2027 gobièrnu tin e intenshon di fia 190 mion florin otro aña pa hasi invershon. Pa e periodo 2028-2030 tambe gobièrnu ta presupuestá fiansanan nobo, miéntras ku alabes ta sigui oumentá gastunan di forma struktural.
Konforme e lei di konsenso pa supervishon finansiero, Kolegio Supervishon Finansiero (Cft) ta evaluá e intenshonnan pa hasi fiansa pa asina kontrolá entre otro ku no ta surpasá e norma di peso di interes (“rentelastnorm”). Pero, pasobra gobièrnu di Kòrsou te ainda no por entregá sifranan di e sektor kolektivo, Cft no por kontrolá e norma di peso di interes konforme lei. Pa e motibu aki i supervisor finansiero ta konsehá gobièrnu determiná e sektor kolektivo pa añanan 2025 i 2026, i reportá e sifranan di gastu, entrada, défisit i debe di e sektor kolektivo di 2023, 2024 i 2025.
Pa loke ta e fiansa di bono di 370 mion florin ku ta madurá na 2030, gobièrnu di Kòrsou ta indiká den e konsepto di presupuesto 2027 ku ta refinansiá e fiansa aki por kompletu. Pero, Cft ta bisa ku te asina leu e ta na altura di dje, no tin palabrashon konkreto ku Hulanda riba e refinansiamentu aki. Banda di esaki gobièrnu di Kòrsou no ta duna un splikashon mas aleu dikon e ta sali for di e punto di bista ku lo refinansiá e debe aki por kompletu, miéntras ku podisé situashon finansiero di Kòrsou ta duna e posibilidat pa paga e debe aki bèk, maske ta parsialmente.
Mas aleu Cft den su konseho riba e konsepto di presupuesto 2027 ta indiká ku gobièrnu di Kòrsou su meta ta pa baha e kuota di debe te na 55 porshento di e produkto interno brutu (pib) di pais, pero te ainda no ta presentá un plan kon ta pensa di logra esaki. Pa e motibu aki Cft ta haña nesesario ku gobièrnu di Kòrsou ta traha un strategia integral pa maneho di debe. Den e maneho aki mester duna un bista di e korelashon entre invershon, pago di debe, hasimentu di fiansa i uso di likides propio ku ta disponibel.
E kolegio ta bisa di ta dispuesto di drenta den deliberashon ku gobièrnu riba e strategia integral aki.
Gastu
Finalmente Cft ta nota ku meskos ku tabata e kaso ku aña presupuestario 2026, pa 2027 tambe gobièrnu ta subi su gastunan struktural konsiderablemente. Kompará ku 2026 na 2027 e gastunan di gobièrnu ta subi ku 154 mion florin. Esaki ta un oumento di 8 porshento.
Den bista di e tenshonnan geo polítiko i insertidumbre ekonómiko Cft ta haña di importansia ku gobièrnu ta kouteloso ku oumento di gastunan struktural. E tipo di oumentonan di gastu aki ta ta hasi futuro presupuestonan mas sensibel pa kualke kontratempu, sigur si tuma na konsiderashon ku e peso di prima i di impuesto na Kòrsou ta relativamente haltu kaba.
Inkreibel ku na 2026 ahinda gobierno di Korsou no por presenta su begroting, pero si sa traha plan kon ta bai gasta mas i mas plaka sin ku hende sa na kiko. 1993 ta tin henter un badabada ku opsion A no ta perde nada nada, ruime op de boel etc. Na 1995 PAR a drenta ku tantu fanfara. A bende propiedat di pueblo i asta a duna kos di gratis ku e promesa ku kos lo bai drecha. Uniko kos ku privatisasion di propiedat di pueblo a trese ta ku kos a bira impagabel, servisio no ta ni existi mas, un par di hende a bira multimionario i kos a bira de malo para peor. A bende e mentira di slotverklaring na pueblo ku kos lo drecha i hulanda stima nos i no lo tin debe mas blabla. 10-10-10 a bini, Korsou a kuminsa ku un “schone lei” i e promesa tabata ku no lo duna un sen pretu mas i Korsou mes lo mester genera su plaka. Den tempu rekort e debe di Korsou a bira grandi atrobe i sen a wordu di spat manera ta zwarte piet ku sanikolas a strooi. Na 2020 gobiernu di korsou ta tin e kaikai di exigi 1 milliar di Hulanda. Awor kon por ta? Korsou supuestamentu mester tin sen ta genera, pero ketu bai ke fia sen. I awor ku Mafia Famia Korupto na mando ke sigi fia sen sin por mustra unda e sen ta bai. Snoepreisje pa Dubai, zogenaamd sen pa drecha kaja kaminda kaja ta malisimo, i jen dispidimentu di sen mas. Pero ke sigi fia sen. I pa kolmo ke subi nan gastu tambe. I ken tin ku paga? Pueblo di Korsou. Eniwee ku dolo den mi kurason mi ta wak kon mi bunita Korsou ta wordu masakra dor di korupsion i egoismo. Manera e kantika di Rudi Plaate tabata bisa na 1980 “mi ke sa ta kon Korsou lo bira”. Tristu ruman. Pa mi parti nan pone gobiernu bou di kuratela i laga terser parti goberna.
Lesionnan riba maneho finansiero i gastunan struktural ta keda un tópiko importante pa komprondé e desaroyonan ekonómiko aktual. Si bo ta buska un ratu di entretenimento online despues di lesa e artíkulo akí, bo por bishitá https://magnetic-slots.com.es/.