Esaki ta e sekretaria di departamento di Homeland Security, Kristi Noem
MEXICO, AFP.- Gobièrnu mehikano a pidi televishonnan privá pa kita e anunsio kaminda ta aparesé e sekretario di seguridat merikano, Kristi Noem, atvirtiendo kontra di migrashon indokumentá, asina presidente Claudia Sheinbaum a informá.
Gobièrnu di Donald Trump a menasá México na vários okashon ku imponé tarifanan haltu riba nan eksportashonnan si nan no detené e fluho di migrante indokumentá i droga pa su teritorio. Na kuminsamentu di febrüari, atministrashon di Sheinbaum a manda 10 mil militar pa frontera komun pa atendé ku e temanan di e dos paisnan.
Riba e aviso na televishon transmití for di kuminsamentu di aprel, Noem ta atvertí “si bo ta pensando den drenta Merka ilegalmente, ni pens’e”. Noem a atvertí ademas ku si un migrante sin papel kometé un krímen e lo keda persiguí pasobra kriminalnan no ta bon biní.
