SAN BERNARDINO, CALIFORNIA, MERKA, AP.- Un hues federal a bisa ku gobièrnu por keda ku e sèn di pólisa di seguro di bida di e pistolero den atake terorista na San Bernardino California.
Syed Farook i su kasá, Tashfeen Malik, a muri den un tiroteo ku outoridat den desèmber, despues ku nan a mata 14 persona den un instalashon di gobièrnu.
E mama di e pistolero tabata e benefisiario di pólisa di su yu ku a wòrdu kumprá promé ku e atake i tabatin un balor total di 275.000 dòler.
Fiskal federal a presentá un demanda pa konfiská e sèn a base di vienes derivá di terorismo. Outoridatnan kier pa e sèn wòrdu duná na sobrebibiente i famia di e víktimanan mortal.
Riverside Press- Enterprise a reportá ku un hues federal a deklará siman pasá ku e benefishinan mester wòrdu konfiská.
