MANCHESTER, GRAN BRETAÑA, AP.- Promé Minister Theresa May a subi e nivel di alerta di menasá terorista den Gran Bretaña na “kritiko” loke ta nifiká ku un otro atentado lo ta inminente.
May a bisa ku Salman Abadi, e atakante suisidio ku a mata 22 persona den un konsierto na Manchester, por ta parti di un ret mas ekstenso.
El a afirmá ku Abadi a nase i krese na Gran Bretaña.
E nivel di alertá a permanesé durante vários aña “severo”, e segundo nivel mas haltu.
May a bisa ku e alerta kritiko ta nifiká ku lo desplegá sòldatnan armá riba kayanan pa okupá e lugá di Polis den eventonan públiko manera enkuentronan deportivo.
