WASHINGTON, AP.- E promé minister britániko Theresa May a bisa ku e polítika merikano di separá famianan migrante ta malu, pero el a rechasá yamadanan pa kanselá e bishita ku presidente Donald Trump lo hasi desde otro luna.

Legisladornan di oposishon a kritik’é pa no papia den términonan mas fuerte riba e gobièrnu di Trump.

E promé minister kanades, Justin Trudeau, a kalifiká e polítika merikano di separá muchanan migrante di nan mayornan na Frontera di Merka ku Mexico komo “inaseptabel” i “no korekto”. Esaki ta pasa promé ku e mayornan wòrdu detené pa drenta di forma ilegal den Merka.

“Esaki no ta e manera kon nos ta atendé ku situashonnan asina den Canada”, asina Trudeau a agregá. El a bisa ku e no por imágen loke e famianan involukrá ta soportando.

E hefe di Servisio di Inmigrashon i Kòntròl di Duana (ICE)  a usa e atakenan terorista di 11 di sèptèmber 2001 den Merka pa defendé e desishon di gobièrnu federal di separá famianan di migrantenan detené na frontera.

E atakantenan di 11 di sèptèmber tabata legalmente den e pais.

e Komishon Nashonal di Derechi Humano di Mexico a kalifiká e polítika di gobièrnu Donald Trump komo “indignante i inmoral”.

LAGA UN KOMENTARIO

Please enter your comment!
Please enter your name here