LONDON, AP.- Inglatera i Gales tabata preparando pa mas inundashon djamars, ku un nivel di riu haltu despues di un tormenta di fin di siman ku a laga 150 milimeter di awa den un zona ku ya a wòrdu afektá anteriormente.
E agensianan di medioambiente di Inglatera Gales a deklará djamars ku a saka 10 inundashon grave, kual ta nifiká un riesgo mortal inmediato, pa e riunan Severn Trent, Wye i Lugg. Aparte di esaki outoridat a aktivá 180 aviso di inundashon ménos grave.
Orkan Dennis, e di dos orkan di wenter, a kastigá Gran Bretaña djasabra i djadumingu ku bientu fuerte di 145 kilometer pa ora i áwaseru intenso ku a inundá diferente karetera, kas i negoshi. E mal tempu a daña plan pa míles di famia britániko ku a purba biaha durante reseso eskolar meimei di wenter.
E áwaseru a hasi riunan manera Severn i Wye kompletamente brutu. Wye tabatin su nivel di mas haltu registrá den lokalidat di Hereford, den sentro di Inglatera.
E tormento a laga un rastro di inundashon i blackout na parti nort kompleto di Europa, inkluyendo sùitwèst di Suesia.
