WILLEMSTAD.- Tres luna pasá 7 hóben a tuma e reto di inskribí pa partisipá na e sertámen di Miss Curaçao Teenager 2017. E aña aki e organisashon IBFF a implementá un sistema nobo den e organisashon
kaminda e hóbennan aki ta ser prepará riba e parti edukashonal i tambe hasi e parti rekreativo aun mas atraktivo pa nan.
E aña aki e hóbennan aki a haña diferente tarea kaminda un di esnan prinsipal tabata ‘Sport and Smile’ kaminda nan mester a investigá bida profeshonal di un pelotero Kurasoleño p’asina present’é dilanti un kuerpo di hurado.
E hóbennan aki a pasa den un transishon super great kaminda nan a konosé diferente profeshonalnan ku a sa di guianan pa e dia tan sperá.
Djadumingu awor pa 8’or di anochi Renaissance Curaçao Resort & Casino lo ser kombertí den un sala imperial kaminda Argentina lo bira e tema prinsipal di e tema: ‘Viva al Tango’.
Un ekipo enkabesá pa Aubrey America, produktor prinsipal lo presentá e tema aki.
IBFF ta sumamente kontentu i orguyoso di kada un di e hóbennan aki ku a duna nan máksimo esfuerso i tambe mayornan ku a depositá nan konfiansa un biaha mas den e organisashon.
Hasi lihé kumpra bo karchi di VIP òf General serka tur e 7 partisipantenan òf na IBFF na Renaissance Curaçao Resort pa bo eksperensia e show di mas bunita di aña.
