LA HABANA, Cuba (AFP).- Parti wèst i tambe sentro di Cuba, inkluso La Habana, a keda sin koriente djárason pa motibu di un fayo den e ret nashonal. E ret di koriente kubano regularmente ta sufri problema debí na un infrastruktura hopi bieu òf eskases di kombustibel.
For di final di 2024, e isla di 9.6 mion abitante a eksperimentá sinku ‘black-out’ generalisá di suministro. E kaida dje sistema, ku e biaha aki a afektá dos tersera parti dje isla, tabata debí na un problema den e sentral ubiká den e provinsia di Matanzas, na 100 km ost dje kapital. E problema den suministro di koriente a kousa interupshon di señalnan di radio i televishon nashonal. Segun e Ministerio di Energia, ku ayera tardi mes e esfuersonan a start pa aktivá “tur e protokòlnan” pa restablesimentu di e ret nashonal di koriente.
Luna pasá tabata henter e region ost dje isla, área di entre otro Santiago de Cuba ku ta e di dos siudat dje pais, a keda den skuridat debil na e múltiple problemanan den e ret.
