PARIS, AP.- Dentro di algun dia, Gran Bretaña lo kuminsá risibí muchanan di un kampamentu di refugiado na Fransia, segun anunsio di e gobièrnu djaluna.
E sekretaria di Interior, Amber Rudd, a bisa na Kámara ku e gobièrnu lo aktua trempan pa aseptá muchanan ku tin famia den Gran Bretaña.
Fransia tabata preshonando London pa aseptá e muchanan di kampo di Calais. E kontraparte di Rudd, Bernard Cazenueve, a bisa ku Gran Bretaña tabatin e “deber moral” di aseptá “vários muchanan menor aisla ku parientenan na Gran Bretaña”.
Míles di migrante ku ta hui di gueranan na Siria, Irak, Afganistan i otro paisnan a yega na Calais, e kanal di Mancha, ku speransa di yega Gran Bretaña.
Fransia tin plan di sera e kampamentu di kasnan prekario ku a kombertí den un punto prinsipal di migrantenan na Europa.
