WASHINGTON, USA (AFP).- Un hurado di North Dakota a kondená e organisashon Greenpeace na paga mas ku 600 mion dòler pa daño na un empresa energétiko ku a demandá Greenpeace pa a protestá kontra di konstrukshon di un oleodukto, un kaso relashoná ku libertat di ekspreshon na Merka.
E veredikto ta un gòlpi fuerte pa e grupo ekologista, ku a keda akusá dor di Energy Transfer di a start un kampaña di violensia i difamshon durante di konstrukshon di e oleodukto Dakota Access un dékada pasá.
“Nos ke yama danki na e wes i na e hurado pa e kantidat di tempu i esfuerso inkreibel ku nan a dediká na e kaso akí”, segun e kompania.
“Aunke nos ta kontentu ku Greenpeace mester paga pa su akshonnan, e viktoria akí realmente ta pa hendenan di Mandan i di hinter North Dakota kende nan mester a biba ku e akusashon diario i interupshonnan kousá pa e manifestashonnan finansiá i entrená pa Greenpeace”, segun TC.
Greenpeace, di su parti, a bisa di lo apelá e sentensia.
