SHARM EL SHEIJ, EGIPTO, AFP.- Greenpeace a akusá e paisnan árabe di difikultá e esfuersonan pa yega na medidanan i ophetivonan kontra e kambio klimátiko den COP27 di Egipto, kaminda negosiashonnan ta prolongá te ku awe.
Segun e defensor di medioambiente, e 21 paisnan di grupo árabe ta kontra di forma firme pa reafirmá e kompromiso di limitá e kalentamentu na 1,5 grado Celsius, establesé den e akuerdo di Paris na 2015.
Ademas nan ta totalmente kontra di un menshon den e teksto final di un salida progresivo di energianan di orígen fosil, kousante di emishonnan di CO2 i metano, dos gas kousante di efektonan grandi.
E grupo aki ta gasta hopi energia den trata na difikultat e esfuersonan riba e redukshon di emishonnan di gas ku efekto pisa”, asina e representante medio ambientalista a bisa.