ATENAS, AP.- Parlamento griego a aprobá e último pakete di reforma ekonómiko eksigí pa akreedornan, na momentu ku e pais ta disponé na independisá di e programa di reskate finansiero.
Shentisinkuentikuater di e 300 parlamentarionan a vota na fabor di e proposishon, kual ta atendé temanan manera disminushon di penshon, kambio na e sistema di salú públiko i reformanan na e sistema di impuesto.
Entre tantu, 3.000 manifestante a marcha den kayanan di Atenas protestando kontra e reformanan.
Esaki ta e último paso eksihí pa Gresia promé ku e reunion di otro siman di e ministernan di ekonomia di e paisnan ku ta forma parti di e zona euro, kaminda Gresia ta spera di por yega na un akuerdo final ku e akreedornan.
Gresia mester konkluí e terser i último etapa di e programa di reskate finansiero di 20 di ougùstùs, despues di ocho aña di dependensia di e préstamonan estranhero. A kambio, esaki mester apliká disminushonnan profundo di gastu, reformanan struktural i privatisashonnan, i su ekonomia mester keda bou di supervishon estrikto di e akreedornan.
E reformanan di ousteridat a kousa protesta na Gresia, kual su ekonomia a kontraé ku 25% desde e krísis finansiero di aña 2009.
