ATENAS, AP.- Parlamento griego a aprobá plan pa redusí edat mínimo pa vota na 17 aña i adoptá un sistema di representashon proporshonal, despues di algun aña di ousteridat ekonómiko ku a baha e apoyo popular pa partidonan polítiko tradishonalmente dominante.
E legisladornan a anulá klóusulanan di lei elektoral ku ta otorgá e partido ganador un bono generoso di 50 asiento den parlamento di 300 miembro, pero e gobièrnu di iskierda di e pais no a logra haña mayoria rekerí pa e kambionan por tabatin efekto inmediato, loke a nifiká ku e kambionan ta wòrdu introdusí despues di e próksimo elekshon general.
Gresia a wòrdu goberná pa koalishonnan durante último sinku aña despues di e krísis finansiero di e pais i e serie di reskate internashonal ku a generá un subida grandi di pobresa i desempleo.