COPENHAGEN, Dinamarka (AFP).- Groenland no tin”ningun interes” pa forma parti di Merka, segun e minister danes di Relashonnan Eksterior, despues ku su kolega norteamerikano a sigurá ku e supuesto pretenshon pa kumpra e isla no tabata ningun “chansa”.
“Tampoko ta ningun chansa ora ku nos a bisa ku, di mes, Groenland lo no bira propiedat norteamerikano, segun Lokke Rasmussen.
“E reino di Dinamarka no tin ningun interes den e kos ei. Groenland tampoko, laga esei ta bon kla. Pues laga nos pone e kos ei un banda”, el a bisa.
El a enfatisá ku Groenland ta pertenesé na groenlandesnan i no por keda bendé.
“Esei ta loke ta pará no solamente den e lei di outonomia di Groenland, sino tambe leinan internashonal. No por bende esaki, segun Løkke Rasmussen.
“Den 1917, nos a bende Antianan danes (aktual US Virgin Islands) sin punta opinion di e habitantenan. Den un sosiedat moderno, nos no por hasi esei i nunka lo e tuma lugá”, segun e la konkluí.
Segun e presidente merikano Donald Trump, Dinamarka, ku ta un pais aliado den OTAN, na final lo aseptá e asuntu di Groenland.
Djarason último, a tene un enkuesta di kua e resultado a mustra ku un mayoria di habitante di Groenland a indiká di no ta interesá pa bira norteamerikano.
“E 85% di habitantenan di Groenland a bisa “nos no ke ta merikano”, segun e diputado Aaja Chemnitz, ku ta representá e isla den Parlamento danes.
