WILLEMSTAD.- Awe mèrdia Minister di Enseñansa, Siensia,Kultura i Deporte, Sra. Marilyn Alcala-Wallé a hasi entrega di e dekreto na Sr. Hubert ‘Juni’ Aniceta, presidente di Grupo JAG i a anunsiá ku nan tin e enkargo pa organisá e di 50 edishon di Karnaval di Kòrsou.
‘Nos ta hopi kontentu komo Gobièrnu ku e trabou ku Grupo JAG a bin ta hasi, un grupo humilde i ku hopi kreatividat, ku a sa ku e suma ku Gobièrnu otorgá boso a sa di hasi bon uso di dje i organisá e Karnaval di un forma profeshonal, pero prinsipalmente ku hopi trankilidat’, asina Minister Alcala-Wallé a indiká na momentu di hasi entrega di e dekreto.
2E61D1C5-3BFF-433A-9A27-A3F09B53EF50
Mas aleu Sra. Minister a informá ku a lanta ‘Plataforma 50 edishon Karnaval di Kòrsou’ pa kordiná huntu ku e diferente entidatnan ku di un òf otro manera ta embolbí ku Karnaval pa e di 50 edishon kana sin problema.
Hubert ‘Juni’ Aniceta, presidente di Grupo JAG a gradisí pe konfiansa i a indiká ku nan lo sigui hasi un bon trabou.
