WILLEMSTAD.- Un dje gruponan di aguinaldo ku ta gosa di masha popularidat, Grupo Los Originales a lansa un kansion promoshonal titulá ‘Yu di Dios’.
E grupo bou di direkshon di Ludwig Isabella ta trahando riba nan produkshon number 11 i ta pendiente pa otro siman e ta kla.
Kontrali na otro añanan, e biaha aki a disidí pa graba un CD ku komposishon di Gospel so, gospelnan komersial saká for di e buki ‘Misal di Pueblo’.
‘Yu di Dios’ ya a kuminsá zona na radio.
