BEIRUT, LIBANO, AP.- Estado Islámiko a rechasá un ofensivo respaldá pa Merka riba un di su bastionnan prinsipal na nort di Siria. Asina aktivistanan i e milisia ekstremista a informá.Estado Islámiko a bisa ku su kombatientenan a infiltrá algun pueblo i serunan serka di e pueblo di Manbij, ku na luna pasá a kai den poder di e poder di Forsa Demokrátiko Siria, un grupo di mayoria kurdo ku kombatientenan árabe i ku respaldo di forsanan spesial di Merka.
Den un komunikado publiká pa e agensia di notisia Aamaq, e grupo a bisa ku un milisiano tras di stürwil di un outo kargá ku eksplosivo, a dal kontra un multitut kurdo den e sektor nortwèst di Manbij.
Opservatorio Sirio pa Derechonan Humano ku sede na Gran Bretaña, tambe a informá tokante e kontraofensivo.
E grupo ku ta basá riba un ret di aktivista riba e tereno, a informá tokante kombatenan intenso ku partisipashon di atakenan aéreo, liderá pa Merka i un seri di eksploshon den e siudat atribuí na Grupo estado Islámiko.
