CARACAS, AP.- E lider opositor a pidi e pueblo venezolano pa manifestá durante bishita di e komishonado di Derechi Humano di Nashon Uní, Michelle Bachelet, otro siman, pa denunsiá e difikultat ku e pueblo mester pasa aden komo konsekuensia di e krísis.

Guaidó a afirmá ku otro siman ta “desisivo” pa Venezuela i a pidi su siguidónan pa sali riba kaya i evitá ku e gobièrnu “ta purba skonde e tragedia aki”.

“Señora Michelle Bachelet ta bonbiní na Venezuela pa buska un solushon urgente pa a emergensia humanitario kompliká”, asina e hefe di Asamblea Nashonal a bisa, pidiendo e eks presidente chileno pa no permití e gobièrnu pa “sekuestr’é” i “hink’é den un di su salanan òf un di su hospitalnan bunita”.

E opositor a wòrdu rekonosé komo presidente interino di Venezuela pa mas di 50 pais.

Sinku luna despues ku el a okupá e puesto, Guaidó no a logra debilitá presidente Nicolás Maduro su poder ni konvensé e militarnan poderoso pa no sostené.

E anunsio di bishita a kousa krítika i elogio. Algun a ekspresá preokupashon pa a echo ku gobièrnu por purba kontrolá e rekoridonan di Bachelet, pa evitá ku e ta presensiá e krísis ku ta afektá Venezuela su sistema di salú i kondishonnan prekario den prizòn, kaminda 155 prezu a fayesé e último tres añanan durante vários razia.

 

LAGA UN KOMENTARIO

Please enter your comment!
Please enter your name here