MIAMI, AP.- E lider opositor venezolano Juan Guaidó a biaha pa Colombia pa partisipá den un konferensia regional tokante formanan pa kombatí terorismo huntu ku e sekretario di Estado Mike Pompeo. Esaki ta e muestra mas resien di Merka su sosten na e presidente interino di Venezuela.
Guaidó lo biaha pa otro paisnan desde Bogotá. E paisnan ta inkluí Merka i Europa, segun revelashon di fuentenan serkano di e gobièrnu kolombiano, kende a papia ku kondishon pa keda anónimo.
E presidente kolombiano Ivan Duque a manda un Tweet pa wèlkòm Guaidó i a anunsiá ku nan tambe lo reuní ku otro.
No ta evidente kon Guaidó a sali for di Venezuela. Ta di dos biaha ku e ta violá e prohibishon pa bandoná e pais, kual a keda diktá Tribunal Supremo, dominá pa e partido ofisialista.
Den su ròl komo presidente di Asamblea Nashonal di Venezuela, Guaidó ta wòrdu rekonosé komo e presidente legítimo di mayoria venezolano. Mas di sinkuenta pais ta konsiderá ku e elekshon di Nicolás Maduro tabata unu froudulento.