CARACAS, AP- E lider opositor venezolano Juan Guaido a denunsia ku presidente Nicolas Maduro ta buska moda di disolvé Asamblea Nashonal, kontrolá pa oposishon i pa esei e ta kanando e kaminda di e proseso hudisial kontra di e legisladónan.
Guaido a kondena e investigashon ku a kuminsá pa Tribunal Supremo di Hustisia, ku e fin pa yuda e gobièrnu kontra di e diputado Edgar Zambrano promé vise presidente di Asamblea Nashonal pa supuesto delitonan di traishon di patria, konspirashon, investigashon, rebelion sivil, entre otro.
Maduro i su aliadonan ke bin ku un estilo Fujimori asina Guaido a bisa durante di un rueda di prensa. Na 1992 presidente Alberto Fujimori kua goberná Pero entre 1990 i 2000 a disolvé e kongreso, suspendé konstitushon i a sera e poder hudisial pasobra nan a bai kontra di su plannan.
“Edgar Zambrano ta un hòmber íntegro”, asina Guaido a indiká. “Loke nan ta hasi ta persiguí, loke nan ta hasi ta hostiga parlamentu di nobo, demostrando un poder ku ya nan no tin, tratando di demostrá kontrol ku ya nan no ta ehersé pasobra ta evidente ku ya nan no tin sosten, rèspèt i muchu ménos kurason di Venezuela”.
