CARACAS, AP.- E lider opositor Juan Guaidó ta konfia ku e yudansa humanitario lo drenta Venezuela, eksaktamente manera esaki ta planiá pa sosodé riba 23 di febrüari i ku e militarnan ta ignorá òrdu di presidente Nicolás Maduro pa blòkia e entrada.

Guaidó, hefe di Asamblea Nashonal i ku den yanüari a deklará presidente interino desafiando Maduro, a enfatisá ku e mobilisashon pa yudansa tin sosten di mas di 700.000 voluntario.

Guaidó a pidi yudansa pa enfrentá e skarsedat severo di remedi i kuminsá ku ta asotando e venezolanonan, miéntras Maduro ta ninga ku ta trata di un situashon di emergensia humanitario den Venezuela.

Outoridat venezolano a blòkia e brùg internashonal Las Tienditas, kual ta konektá e siudat kolombiano Cucuta ku pueblo Ureña, 650 kilometer na sùitwèst di Caracas. Apesar di e sosten públiko di hefenan militar na Maduro, Guaidó a indiká ku di un forma òf otro nan lo retirá respaldo for di e gobernante sosialista.

LAGA UN KOMENTARIO

Please enter your comment!
Please enter your name here