CARACAS, AP.- E lider opositor Juan Guaidó a pidi forsanan armá pa evitá un katástrofe na Venezuela, meimei di un disputa entre gobièrnu i oposishon, despues ku presidente Nicolás Maduro kier adelantá elekshon parlamentario.
Guaidó a dirigí palabra na e militarnan, sosten prinsipal di Maduro. El a eksigí e militarnan pa tuma akshon den un diskurso ku el a duna na Asamblea Nashonal, kontrolá pa oposishon.
E lider opositor a hasi vários petishon na forsa armá pa kita e mandatario iskierdista, pero te ainda nada no a sosodé. Mas di 50 pais ta rekonosé e lider opositor komo presidente interino i legítimo di Venezuela.
Maduro a indiká djaluna ku lo adelantá elekshonnan parlamentario sin duna mas detaye. El a indiká ku esaki ta un forma pa yega na un “solushon pasífiko, elektoral, demokrátiko”.
Guaidó a rechasá e anunsio di Maduro indikando ku segun Konstitushon, Kongreso mester kulminá su periodo si sinku aña na yanüari 2021.
Guaidó a sostené ku e úniko forma pa sali di e krísis ta elekshon presidensial, i e inisiativa ta wòrdu respaldá pa vários pais den e region i na Europa. Oposishon no ta rekonosé Maduro su elekshon na mei 2018 indikando ku e proseso elektoral a kometé froude.
