SIUDAT DI GUATEMALA, GUATEMALA, AFP.- Desénas di guatemalteko a sende nan bela den sentro di e kapital djasabra anochi pa rekordá mas di 9.000 persona ku a muri di COVID-19, kulpando presidente Alejandro Giammattei pa su mal maneho.
Guatemala, kual tin kasi 17 mion habitante a registrá 290.852 kaso i 9.008 morto kousá pa COVID.
Ounke e vakunashon a kuminsá den febrüari, e Ministerio di Salú a inyektá solamente 157.000 persona ku dos dósis i 918.000 persona ku unu. Ademas, sektornan di oposishon a bisa ku mayoria di e vakunanan a yega den kalidat di donashon di paisnan amigu.
“Esaki ta dor di korupshon”, segun Carmen Reina, integrante di Akshon Kolektivo, un di e organisashonnan ku a organisá e aktividat. Nan a forma “+9000” ku bela, refiriendo na e víktimanan ku a muri di Corona vírus den Guatemala, segun sifranan ofisial.
