BERNARDO AREVALO; presidente guatemalteko.
CIUDAD DE GUATEMALA (AFP).- Djaluna Guatemala a risibí komo 2.000 fusil for di Merka, su promé kompra di arma norteamerikano despues ku a pone fin na e embargo militar imponé kasi mei siglo pasá debí na violashonnan di derechinan humano. Den mart último gobièrnu di Merka a lanta e prohibishon di benta di arma imponé pa Kongreso den 1977 pa motibu di violashonnan di derechinan humano i asesinatonan na man di forsanan di gobièrnu durante dje guera sivil. Un guera ku a okashoná den kareda di 200.000 morto i hendenan ku a disparsé entre 1960 i 1996.
E promé kargamentu ta un kompra total di 14.000 fusil M4 pa mas ku 5 mion dòler, segun e presidente guatemalteko, Bernardo Arévalo. Apesar dje embargo, Washington a sigui hasi entrega di ekipo di Forsanan Armá na e pais pa nan por bringa kontra di trafikashon di droga.
“E paso aki ta habri un etapa nobo di nos relashon ku Merka i ta representá e nivel di konfiansa ku nan ta manifestá relashoná ku e rumbo ku nos pais a bin ta tuma”, segun e mandatario sosial demokrat a duna di konosé.
connections game is a clever word puzzle that puts your ability to spot patterns to the test. Instead of solving one clue at a time, you get a collection of words and need to discover the connections hiding between them.