Trabou a kaba na Guatemala pa un kantidat di riba 400 dòkter- i enfermeronan kubano ku te den e pais segun un akuerdo di 1998.
CIUDAD DE GUATEMALA (AFP).- Guatemala a pone punto final na un konvenio ku a permití pa dòkternan kubano traha for di 1998 den áreanan apartá i pober dje pais, ku awor ta keda remplasá ku personal lokal, segun gobièrnu guatemalteko a informá ayera.
Te ku aña pasá, Cuba tabata konta ku den kareda di 24.000 dòkter i enfermero den 56 pais komo parti di un plan stratégiko di koperashon internashonal di La Habana, pero ku ta keda mirá di parti di Merka komo un intento di e gobièrnu pa laba su imágen.
Na Guatemala e proyekto a kuminsá 27 aña pasá pa atendé víktimanan di e devastador orkan Mitch i tabata konta ku 412 trahadó. Kansieria guatemalteko a konfirmá pa AFP di a informá embahada di Cuba dje desishon pa “no renobá” e konvenio di koperashon.
E servisionan médiko kubano “a alkansá nan término òf lo finalisá”, segun un kalendario establesé, segun informashon dje ministerio di salú. E personal kubano, formá pa dòkternan spesialista den oftalmologia, pediatria, epidemiologia i medisina interno distribuí entre 16 di 22 departamento dje pais, lo keda sustituí ku rekurso humano nashonal, segun e dokumento sin menshoná fecha konkreto.
