*Esakinan ta e akontesimentunan te ku ayera tardi lat relashoná ku e guera den Medio Oriente:
Evakuashon den Qatar:
Ministerio di Interior di Qatar a informá ku nan tabata evakuando vários zona, miéntras ku Iran a intensifiká su kampaña aéreo di represaya kontra paisnan di Golfo. Den e distrito di Musheireb, den Doha, algun residente a risibí alertanan via telefòn indikando pa “evakuá zona di forma inmediato… te na un lugá mas sigur”.
Israel a bombardiá área di Nashonnan Uni:
Proyektilnan di Israel a alkansá un edifisio okupá pa kuerponan di yudansa den zùit di Libanon, segun Agensia Nashonal di Informashon. “Proyektilnan israelí a kai riba tereno di e kuerponan di Finul, den e siudat di May al-Jabal”, segun ANI. Forsa Interino di Nashonnan Uni i ehérsito israelí a konfirmá e informashon.
Iran a lansa atakenan nobo riba Israel:
Iran a bolbe lansa un kantidat di misil direkshon pa Israel, pero servisionan di reskate israelí a señalá ku no a registrá víktimanan.
Merka a manda mas barku pa Medio Oriente:
Merka ta manda mas barku di guera pa Medio Oriente, dos siman despues ku a kuminsá e atake riba Iran, segun prensa merikano. The Wall Street Journal a sita funshonarionan norteamerikano ku a afirmá ku “USS Tripoli”, ku base na Hapon, i e miembronan di marina riba e barku a keda dirigí pa e region.
New York Times: 3 barku ku 2.500 sòldá rumbo pa Medio Oriente:
USS Tripoli, ku base na Hapon, i e miembronan di Marina asigná na bordo ta dirigí nan mes pa e region. The New York Times a informá ku 2.500 miembro di personal di Marina ta na bordo dje tres barkunan.
Turkia ta konsehá evitá biahe pa Irak:
Turkia a hasi un yamada riba su poblashon pa evitá biahe pa Irak, teniendo kuenta ku e guera ku ta kresiendo entre Iran kontra di Merka i Israel.
Detenshonnan den Abu Dabi:
Polis di Abu Dabi, kapital di Emiratonan Arabe Uni, a informá ku a detené 45 persona di vários nashonalidat pa “duna informashon inkorekto” riba e atakenan di Kran, ku ta sigui ataká de Golfo Pérsiko. Departamento di Investigashon Kriminal di Polis di Abu Dabi a detené 45 persona di diferente nashonalidat pa motibu di ta filma diferente lugá durante e susesonan i publiká esakinan riba riba retnan sosial.
Oferta di US$ 10 mion:
Merka a ofresé un rekompensa di 10 mion dollar pa informashon riba paradero di hefe supremo di Iran, Mojtaba Jamenei, i otro funshonarionan haltu dje pais. “E personana aki ta dirigí òf kontrolá vários elemento di Kuerpo di Guardia Revolushonario Islamika di Iran (RGC), ku ta plania, organisá i ehekutá aktonan di terorismo rònt mundu”, segun Departamento di Estado.
Karedanan di Formula 1 kanselá:
E Grand Prix di Formula 1 di Barein i Arabia Saudita a keda kanselá of aplasá debí n’e guera den Medio Oriente. E GP di Barein ta programá pa e wikènt di 10 pa 12 di aprel, miéntras esun di Arabia Saudita lo mester a tuma lugá un siman despues.
7.600 Bombardeo de Iran:
Israel a duna di konosí di a realisá 7.600 bombardeo riba Iran for di e inisio dje guera dia 28 di febrüari i 1.100 riba Libanon, kaminda ehérsito israelí for di 2 di mart ta ta hiba un kampaña kontra dje movimentu islamita Hezbola, aliado di Teheran.
111 Drones tumbá:
Guardia Revolushonario Islamita a indiká di a tumba 111 drones enemigu “di diferente tipo” for di inisio dje atake ku a start ku atakenan di Merka i Israel.
Eksploshon den Tel Aviv:
Vários eksploshon ayera a sakudí Tel Aviv, den sentro di Israel, kaminda sirenanan di alerta tabata zona. Por a tende eksploshonnan te na Jerusalem, na 70 km for di Tel Aviv. Te ku ayera tardi Israel no a reportá víktima.
[caption id="attachment_709931" align="alignnone" width="300"]
This US Army handout photo taken on March 2, 2026, and released on March 13, 2026, by US Central Command Public Affairs shows a M142 High Mobility Artillery Rocket Systems (HIMARS) conducting live-fire missions during “Operation Epic Fury” at an undisclosed location. Iranian officials led a pro-government rally in Tehran as explosions rocked the city on March 13, 2026, while the United States vowed it would intensify strikes in the coming hours and days. (Photo by US ARMY / AFP) / — THIS PICTURE WAS BLURRED AT SOURCE — RESTRICTED TO EDITORIAL USE – MANDATORY CREDIT “AFP PHOTO / US ARMY / US CENTRAL COMMAND PUBLIC AFFAIRS” – HANDOUT – NO MARKETING NO ADVERTISING CAMPAIGNS – DISTRIBUTED AS A SERVICE TO CLIENTS
