BOGOTA, Colombia (AFP).- Ayera e grupo di gueria kolombiano ELN a ordená sivilnan den regionnan bou di su dominio pa sera nan mes den kas durante di tres dia kuminsando djadumingu awor, miéntras ku nan ta realisá ehersisionan militar pa respondé e “menasanan di intervenshon” di Donald Trump.
E mandatario norteamerikano a atvertí di no ta deskartá un atake riba suela kolombiano pa frena narkotráfiko, meimei di tenshonnan pa e ofensiva militar ku Washington ta hibando den Karibe i Pasífiko.
E grupo rebelde di mayor trayekto di Amérika, ku ta kontrolá regionnan klave di produkshon di droga, a atvertí den un komunikado di lo lucha pa “defensa” dje pais i a duna sierto restrikshon pa ku movementu liber. “Ta importante p’e sivilnan no meskla ku e militarnan pa evitá aksidente”, segun nan a bisa den un komunikado.
