BOGOTA, COLOMBIA, AFP.- ELN, e último gueria rekonosé na Colombia, a anunsiá ku nan ta dispuesto pa dialogá ku e presidente elekto iskierdista Gustavo Petro, despues ku e diálogo ku e gobièrnu saliente e frakasá.
Ehérsito di Liberashon Nashonal (ELN) “tin su sistema di lucha i resistensia polítiko i militar aktivo, pero tambe ta dispuesto pa avansá den un Proseso di pas i kontinuá ku Mesa di Kombersashonnan kual a kuminsá na Quito den febrüari 2017”, segun indikashon di e komando sentral di e organisashon den un komunikado.
E diálogonan di pas a wòrdu disolvé pa e mandatario konservador Ivan Duque, despues ku rebeldenan a ataka un skol di polis ku un bòm den un outo den yanüari 2019. E atentado a laga 22 víktima, inkluyendo e agresor.
Su antesesor, Juan Manuel Santos a tene kombersashonnan di pas ku ELN na Ecuador i Cuba, despues ku un negosiashon similar ku FARC a resultá den un akuerdo di pas.
Pero Duque, un kritiko fuerte di e pakto, a disolvé e negosiashonnan.
Despues di elekshon djadumingu, senador i èks gueriero Petro (62 aña) lo kombertí den e promé presidente iskierdista den historia di Colombia ku un programa profundo di reformanan.
